村姑生活由此起

2006年之前，我住在九龍某個熱鬧的地方
2006年以後，嫁了個住在鄉村的老公
隨他搬到農村生 活
對!是農 村!!!
想不到在繁華的香港還有最後一片靜土，與大自然何其接近
城市人面對農村種種，新鮮好奇停不了
仍在努力適應中......

初冬．北京．第七天．天壇

初冬．北京．第七天．天壇

初冬．北京．第六天．居庸關、八達嶺、明十三崚

初冬．北京．第六天．居庸關、八達嶺、明十三崚

初冬．北京．第五天．北海公園、世貿天階

來到第五天，睡至接近中午才起來 (睡覺時間比旅遊時間還要多)
乘地鐵到天安門西站，出口對面便看到橢圓形的國家大劇院
地鐵站都走懷舊風!!
從地鐵出來沿路直走，可轉入南長街，這裡的房子都經過美化修葺，古色古香，卻欠缺一份歷史味道，無法啦~話晒這一帶都是旅遊區，點都要包裝下既!
  
為了嘗嘗迫公車的滋味，專登乘一個車站到 北海公園 (後 來發覺落錯車!!)
 一蚊咋!!
迫到我差d落唔到車，大陸人d秩序真係好恐怖!
下車後還要走一段路，邊行邊找入口.....
沿路走，清清涼涼好舒服~~

走著走著，原來到了故宮的北面

護城河很像香港的城門河
這裡開始看見外國人及旅行團了，相信目的地就在附近

係大陸過馬路真係要好心，乜x車都有， 仲要唔睇路!

這裡有縱橫交錯的電線，在市中心是沒法看得到的

在北京，每個所謂的景點，以至一個公園都要收入場費，盛惠$5

白塔是著名景點，可是我沒興趣另購票入場

公園最美麗的是各種樹木，邊走邊刮著風，片片落葉如雪花飄下，又浪漫又美麗，充滿北歐風情!

「小草微微笑   請您旁邊繞」
唔知點解，我笑了~
其實是洗手間!!
小食店??

可以乘船遊北海，不過冇乜人搭

又大風又凍，食條腸暖暖肚先，北京所有景點都有呢隻台灣腸賣，幾好味呀!
後來我在天壇公園又吃了=_=!
逛完公園，回到市區已過了午飯時間，很肚餓啊!!
今朝除了吃一條腸及一肚西北風，都沒什麼下肚~
於是又吃了KFC，北京的KFC有出售一隻「百珍果汁」，可跟餐買的，於是買來試試，好很甜， 根本就係好甜的橙汁，唔掂!
由於行得太累了，索性買外賣回家慢慢嘆~


因為昨天煲湯後才發覺家裡冇鹽，於是師奶如我厚著面皮向店員討了一小包，店小妹很友善的幫我pack好，太好人了!!
填飽個肚就落樓去對面超市買料煲湯~
(北京咁乾燥，真係少d湯水都唔掂!!)
點知在地庫的超市內左睇右睇時....
.
.
.
突然....
一個男人走到我身邊大大聲對我唱歌
What the FUCK!!!!!!!!!
仲要唱張學友十世前的歌....
正一小哪嗎!!
嚇到我丟低手上個杯麵......即閃!!!
痴痴地架~~
.
.
返到屋企仲未驚完!!
等老公放工晚飯，去了世貿天階 The Place.....一個新的景點購物區~

特色就是以下這個用了數億打造的天幕，長幾十米，靠兩旁柱子支撐，好宏偉啊~

兩旁都是世界一流的名牌商店，莫講話冇錢買，連入都唔敢入呀~~
我只去了ZARA看看!
又再一次見證北京的貧富懸殊真的很嚴重!

天幕會播出不同動畫~

有很多小朋友在rolling~

晚餐到了地庫商場的意大利餐廳，顧客都是外國人居多
老闆是法國人，會出來看看客人是否滿意，同客人傾下計
食物味道不錯，兩個人都不用$200
吃飽飽，散散步便乘的士回家了!

初冬．北京．第四天．石景山、祟文門

今天天氣依然寒冷，可幸沒有下雨
所以今天決定到聞名中外的石景山遊樂園！！
那裡有個口號:「去迪斯尼太遠 , 來石景山遊樂園!」.....cool!
(冇押韻之餘字數又唔對)
想知有幾出名?
請隨意在youtube輸入「石景山」尋找，都可以找到一大堆........
好....我要去看看大耳貓.....
(他們說的大耳貓，就是抄人家hellokitty的冒牌貨，是智障版的核突公仔)
在地鐵站外買了香噴噴的煨蕃薯，頂!!咬了一口裡面全是爛 的....
結果我拎住大大舊蕃薯當暖手器用....用到好幾個鐘架!


乘地鐵從國貿站至八角遊樂園站，好漫長的車程
而且越搭越少人，當我下車時車廂只剩三、四個人了
有點驚，去到郊區那麼遠，有事找誰來救我?
一出站看到高速公路牌上寫著「太原」....嘩~~仲驚!!
八角遊樂園站是一個很奇怪的地鐵站，破舊不堪，共有四個出口(其中兩個是廢的)
剩下的兩個出口分別在一條六道(or八道??忘記了)的公路兩旁
 一個出口是for去程，另一個出口是for回程
即是說: 假設當你來這個站才發覺忘記下車，你便要走到出口外，橫過六條or八條公路(大陸的人及車都不會遵守交通燈的)，去到對面另一個出入口，再買一次票，才可 以乘回頭車~~~好白痴的設計......(雖則落錯車已是白痴行為!!)
.
.
.
話說回來
出站向著看到過山車的方向行，走十分鐘便看到「石景山遊樂園」.....
我稱它為「迪土尼」or「Dis-mey-land」

十蚊入場卷.....咩料子???咁平!!!

入到去，整個樂園都播放著音樂，好夢幻........突然聽到後面傳來.......呯....呯......槍聲!!........pk 啦.......有人係度打雀!!!.....咁殘忍既事居然會係呢d地方發生，唔係發緊夢呀化.........好驚會打到我~~~即刻跑跑跑跑跑 跑...........跑入去......


因為被迪士尼控告侵權，現時樂園已沒有異形公仔巡遊表演了~

行左好耐都唔見有人......好似去左死城!

機動遊戲都唔開，除非你想玩先開.....不過我諗冇人夠膽係大陸玩呢d野~

連小食亭都是"吉"的


好童話feel.....(除左部冷氣-_-).....遠 處山上有間好特別的屋......

zoom近d.....酒店???

冇呃你，行左好耐都只係見過五個人........真係「在樂園遇見的五個人」..... 哈哈.......越行越入.....還未看見公主的城堡..........

突然出現很熟面口的建築物??

以前是有火車遊園的，不過而家廢了...
行 上去看看.....

終於找到了!

附近有許多騎呢的建築物，慌死嚇你唔死~
這個其實是售票處?真係估你唔到!
嘩~~~撇開顏色唔講......真係好似呀......仲有摩天輪做背景.......超頂癮!
還有兩旁的小商店~
夢幻歐風街??
灰姑娘也shopping?
冇人可以係咁影~城 堡的背後有遊戲機中心....還 有摩天輪....第 一次影摩天輪.....
同 埋過山車....
睇完咁歷奇的樂園，係時候返回市區了.........這個樂園真係冇人架??而家諗番....都唔明點解當時咁大膽，一個人去d咁既地 方.......

乘地鐵去祟文門站，先醫肚，買餐送一副棋!
吃飽到附近逛新世界百貨公司.....好似行sogo一樣.......
祟文門是商業區，很多商場寫字樓，即係香港的尖沙咀區......
地鐵站附近有個大型的街市，有冷氣的!!!生熟食物都有.....於是我買了瘦肉、栗米、雪梨回家煲湯.....北京新鮮食物價格都較香港貴得 多!!!......而且北方是沒有嫩綠的菜賣.....多數以瓜果為主........

晚上接老公放工，和他同事拔生和拔太到了蘇浙匯吃上海菜.......我未去過香港的分店.....但這間裝修、服務、食物都一流......每張 食桌都相隔很遠，食客都衣著光鮮.........很有高尚的氣派......
一定要去裡面鑲滿水晶的洗手間，超靚!!!!

一對一服務非常好，點了很多菜...樣樣都很精緻美味....可是由於有老公的同事一起，所以沒有拍照....費事失禮人啦~~
埋單每人$100....好抵.....
臨走前可以在接待處取火柴盒留念~!
回到家還有湯飲~~~
好飽!!!